Thjerrëza

Mos harroni të gatuani thjerrëza sonte, traditë e dietës mesdhetare, thuhet që sjellin fat dhe lekë :). Është një pjatë e parë vegjetariane, shumë e thjeshtë, e shëndetshme dhe plot shije. Gëzuar!🍾🎉🎊🥂🎇🥳

Print

PËRBËRËSIT

• Thjerrëza

• 1 Qepë

• 1 Karrotë

• 1 Selino

• Xhinxher i freskët

• 1 lugë Kurkum

• Salcë domate

• Kripë

• Piper

• Dafinë

• Rozmarin

• Vaj ulliri

• Hudër

PËRGATITJA

Lexo tek qesja nëse thjerrëzat duhen lënë në ujë një natë para, apo mund t’i gatuash direkt.
Në një tenxhere hedh pak vaj ulliri dhe skuq qepën e prerë hollë dhe një thelpie hudër të plotë, derisa qepa të ndryshoj ngjyrë në të artë dhe hudra të ketë lëshuar shijen (hiqe nga tenxherja). I hedh karrotën me selinon të prera hollë dhe i përzien mirë. I lë 1-2 minuta dhe i shton thjerrëzat. I përzien mirë dhe i hedh salcën e domates, sasia varet sipas dëshirës. I shton ujë (varet sa të lëngshme e dëshiron) me kripë, pak piper, i grin sipër një copë xhinxher të freskët, disa gjethe dafinë dhe rozmarin. I përzien mirë dhe i hedh një lugë të vogël kurkum (shkon shumë me salcën e domates), e bën akoma më të shëndetshme këtë supë. E përzien mirë dhe i lë të ziejnë (30-40 minuta). Gati:)! Gëzuar!🍾🎉🎊🥂🎇🥳