Supë napoletane “minestrella”

Supë napoletane apo “minestrella” siç njihet këtu, nga vetë prejardhja, nuk ka sesi të mos jetë e shijshme :)!

Print

PËRBËRËSIT

• Brokoli (vetëm kërcelli)

• Patate

• 1 Qepë

• Karrota

• Selino

• Kripë

• Vaj ulliri

PËRGATITJA

Për të përgatitur këtë supë vegjetariane kaq të thjeshtë por plot shije të dietës mesdhetare nevojitet vetëm kërcelli i brokolit. Zakonisht bëhet me një lloj brokoli që nuk ka lule por vetem kërcell të gjatë dhe gjethe. Pastrohet kërcelli nga gjethet (duke e rrëshkitur dorën tek çdo kërcell nga fundi i gjethes deri në fillim) dhe e pret me copa mesatarisht të vogla (2-3cm). Pastron qepën, karrotën me selinon dhe i pret imët. Në një tenxhere hedh pak vaj ulliri dhe skuq qepën me karrotën dhe selinon, derisa qepa të ndryshoj ngjyrë në të artë (1-2 Min). I shton brokolin dhe e përzien mirë. I shton ujin me kripë dhe e lë të ziej për 25-30 minuta. I shton patatet e qëruara dhe të prera me katror të vegjël, e përzien mirë dhe e lë edhe 25-30 minuta të tjera të ziej edhe patatja. Gati:)

*** Mund ta shoqërosh me disa feta bukë të thekur, si përshesh apo thjesht duke i ngjyer në lëng, ç’të hash…:)!