Oriz me kungull dhe kërpudha është një pjatë e parë vegjetariane, shumë e lehtë për t’u përgatitur, shumë e shijshme dhe e ushqyeshme për organizmin. Ka një shije që preferohet edhe nga më të vegjëlit.
DETAJE
25 minuta
PËRBËRËSIT
Një copë Kungull vjeshte (madhësia varet për sa persona do gatuash)
Kërpudha
Hudër
Dado
Oriz (50 gr për person)
Majdanoz
Ujë (oriz x 2, si masë)
PËRGATITJA:
Në një tigan të gjërë do hedhësh vajin e ullirit dhe hudrën të skuqet pak, derisa të ndryshoj ngjyrën në të artë dhe i shton kërpudhat e lara dhe të prera me katror të vegjël. I lë të piqen 5min duke i përzier shpesh dhe i hedh kungullin e prerë me katror të vegjël. I shton pak lëng me dado. Sa e shikon që kungulli po zbutet dhe uji po thahet i shton orizin, e skuq pak dhe fillon t’i shtosh ujin me dado me ngadalë, sa herë që thahet. E përzien shpesh, në mënyrë që të shtypen mirë copat e kungullit e të bëhen si pure. Në fund, pasi e ke hequr nga zjarri dhe para se ta shërbesh, i shton pak majdanoz të prerë hollë.