Makarona në furrë apo pastiçe, siç jemi mësuar ta njohim, është një pjatë e parë vegjetariane, shumë e thjeshtë, e shpejtë dhe plot shije e dietës mesdhetare e cila, përveç se është një dietë e shëndetshme, është edhe shumë praktike. Zakonisht bëhet me makaronat e ngelura, me një mocarrel dhe pak djath të grirë, ke gati dhe drekën apo darkën për të nesërmen.
DETAJE
5 minuta
10 minuta
PËRBËRËSIT
Makarona Penne ose Rigatoni
Salcë domate
Mocarrela
Djath i grirë
Borzilok
Vaj ulliri
Hudër
PËRGATITJA
Nëse të ngelen makarona me salcë domate, i hedh në një tavë, i spërkat mocarrela me copa të vogla, pak djath të grirë, disa gjethe borzilok dhe i fut në furrë për 10 minuta me 200 gradë Celsius, derisa të shkrij mocarrela e të theket pak në sipërfaqe pastiçja.
Nëse do ta gatuash nga fillimi, atëherë do përgatitësh një sugo të thjeshtë me salcë domate, hudër, borzilok. Do ziesh makaronat e shkurtra penne, ose rigatoni për 6-7 minuta, se do i pjekësh edhe në furrë, do i bashkosh me salcën dhe do i hedhësh në tavë. Pastaj si më lart do i pjekësh në furrë.
Ideale për një drekë apo darkë të shpejtë, të thjeshtë dhe plot shije. Gati :)!