Midhje “sauté”

Vera është stina e midhjeve dhe midhje “sautè” është një nga antipastat më të njohura verore, sidomos kur dreka apo darka është me bazë peshku. Shumë e lehtë, e shpejtë dhe shumë e shijshme, ajo që kërkon më shumë kohë është pastrimi i midhjeve.

Print

PËRBËRËSIT

• Midhje

• Hudër

• Spec djegës (një copë e vogël, varet nga sa djegës është)

• Kripë

• Piper

• Vaj ulliri

• Verë e bardhë (një gotë)

• Majdanoz

• Limon

PËRGATITJA

Përpara gatimit, midhjet duhet të jenë të pastruara mirë. Në një tigan të gjërë, hidh pak vaj ulliri, hudrën dhe specin djegës. Pasi të ketë ndryshuar ngjyrë hudra, i hedh midhjet dhe e mbulon tiganin me kapak. Do presësh derisa të hapen pjesa më e madhe e midhjeve, ato që nuk hapen hiqen, nuk duhen ngrënë. Sapo i shikon që hapen, i shuan me një gotë verë të bardhë, i shton kripën me piperin dhe i lë dhe 5min të tjera në zjarr që të thithin shijen e verës. Pasi i heq nga zjarri i shton majdanozin e prerë hollë dhe janë gati për t’u shijuar.
Për ta shijuar akoma edhe më mirë lëngun që lëshojnë midhjet “saute’”, mund ta shoqërosh me bukë të thekur dhe limon.