Oriz me pulë dhe perime

Oriz me pulë dhe perime është një pjatë e parë shumë e thjeshtë, e shpejtë dhe e shijshme. Unë përdor salcë Soia për ta shuar orizin, i shkon shumë kësaj pjate dhe duke qënë se është e kripur nuk i shtoj më kripë. Në pamundësi, e shuan me pak verë të bardhë.

Print

PËRBËRËSIT

• 1 Gjoks pule

• 1 Spec i kuq

• 1 Kungull jeshil

• Radicchio (disa fletë)

• Salcë soia (ose verë e bardhë)

• Vaj ulliri

PËRGATITJA

Si fillim pret gjoksin e pulës me katrorë të vegjël ndërsa specin, kungullin dhe sallatën radicchio i pret me rripa. Në një tigan të gjërë (se më vonë do i shtosh orizin), hedh pak vaj ulliri dhe i shton pulën me perimet e prera. I pjek disa minuta dhe i shton orizin. E skuq pak orizin dhe e shuan me pak salcë soia (në pamundesi, me një gotë vere të bardhë). I shton masën e ujit (1 oriz x 2 ujë) dhe e përzien mirë. Pasi e ka thithur ujin, orizi me pulë dhe perime është gati për t’u shijuar.

(Mund t’i marinosh copat e pulës me perimet e prera me pak vaj ulliri disa orë në frigorifer përpara se t’i gatuash, marrin më shumë shije.)